Fermandarîya Eyaletê Heftanînî ya YJA-Starî derheqê tacîz û tecawuzanê peyênan de eşkerayîyêka nuştekîye daye. 

Eşkerayîya YJA-Starî wina ya:

''Gerîlayî vera hêrişanê dewleta tirke pê stratejîya Rayberîye xo ver danê. No ceng bêguman tarîx de cayê xo do bigêro. Hêrişê vera Heftanînî têna seba çinkerdişê Têgêrayîşî nê seba çinkerdişê pêro waranê cuye yenê kerdene. Hêrişê vera cinî û domanan, operasyonê sîyasîyî zî netîceyê na polîtîka yê. Tecwuzê vera doman û cinîyan, rijnayîşê goranê şehîdan seba çinkerdişê îradeyê şarê Kurdîstanî yenê kerdene. 

Serranê peyênan de pê destekê AKPyî Kurdîstan û Tirkîya de tacîz û tecawuzî xeylêk zêdîyayî. Dewleta tirke seba ke nêeşkena gerîlayan bin bikera hêrs bena û hêrişê komelî kena. Operasyonê vera Heftanîn reyde serebûtê tecwuzî zî dest pêkerd. Serebûtê Şirnexî tesadufî nîyo. O çawiş zî bi zanayîşî ame weçînayene. Ma selam danê ê ciwan û cinîyê ke nê hêrişan qebul nêkenê û xo ver danê.

Bêguman Cengê Heftanînî do bibo cewabê nê hêrişan. Ma sey gerîlayê YJA-Starî qesasê pêro cinîyan do bigêrê. Gerîlayê cinîyî benê vengê pêro cinîyanê ke maruzê şîdet, tacîz, tecawuz û asîmîlasyonî benê. Gerîlayê bicoş û gijikdergî pê çêrî û fedakarîya pîlêre çeperanê dişmenî rijnenê. Her guleyê ma qesasê yew cinîye yo, rijnayîşê her mewzîyî zî rijnayîşê hîşmendîya camêrdan o. No ceng cengê pêro cinîyan o.

Gerîlayî Heftanîn de pê paradîgmaya Rayber Apoyî û pê ruhê Esmere, Nûcane, Ararate, Bêrîvane, Amara, Zeynebe û Vîyane hem cinîyanê Kurdîstanî hem zî erdê Kurdîstanî pawenê.

Ma venga pêro şaranê Kurdîstan û Tirkîya, bi taybetî venga cinî û ciwanan danê ke vera nê hêrişanê bêexlaqan vinderê. Ma şar ê, cinî yê, heqdar ê. Eke ma bibê yew çew nêeşkeno vera ma de vindero.''