Fermandarîya Qerargehê Merkezî ya YJA-Starî pê wesîleya serrgêra 24. ya şehadetê Zeynepe Kinaci (Zîlane) eşkerayîyêke weşanaye. Eşkerayîye wina ya:

''Ma serrgêra 24. ya şehadetê embaze Zîlane de şexsê aye de pêro şehîdanê ma yê çêran ê sey Sema, Gulane, Amanose, Evîne Amed, Zîn Avesta, Sema Koçer, Arîne Engîzek, Bagere Sems3ur bi heskerdişî, rêzdarî û mînetî yad kenê. 

Çalakîya Zîlane heskerdişê cuye û şarî,  vera îşxal û faşîzmî serewedaritiş a. Çalakîya aye de fedakarîya pîle û çêrîye esta. Çalakîya embaze Zîlane kerd ke xeta azadîye biba pîlêre.

Embaze Zîlana ke xeta têkoşînî ya Rayber Apoyî hol fam kerda, pê hesîyaya ke Rayber Apo seba şarê kurdî tek hêvî yo û vera komplo çalakîyêka serkewte kerde. Zîlane sembola cuya azade û manîfestoyê cuya azade ya.

Çalakîya embaze Zîlane ewro zî hîşmendîya kolonyalîste pare kena. Bi hezaran cinîyî xeta Zîlane de tewrê têkoşînî benê. Dewleta tirke pê hemkarîya hêzan ê mîyanneteweyîyan seba ke têgêrayîşê azadîye û şarê kurdî çin bikera xîret kena. Her parçeyê Kurdîstanî de bi taybetî Başûrê Kurdîstanî de hêrişanê îşxalî kena.

Bi hezaran gerîlayê azadîye rayberîya embaze Zîlane de vera dewleta tirke û artêşa ci tarîx nusenê. Tradîsyonê xoverdayîşî yo ke rayberîya cinîyan de her roje beno pîlêr kesayetan aferneno ke pê rûhê Zîlane têkoşîn kenê.

Seke Rayber Apoyî vat 'Ganî cinîya milîtane kesayetê Zîlane her roje zêdêr bimojna ra.' Dewleta tirke tewr zêdêr cinîyan kena hedef. La şarê kurdî îşxalan pê ruhê fedayîtîye îşxalan çin keno. Na raştîye Hamleya Cengê Heftanînî de vejîyaye werte, dewleta tirke her roje bin kewena. Cinî û ciwanê kurdî xeta Zîlane ser o welatê xo pawenê.

Têkoşîn, metod û têgêrayîşê embaze Zîlane bingeyê estbîyayîş û têkoşînê hêzanê YJA-Starî yê. ma sey YJA-Starî reyna pare kenê ke wayîra cu, çalakî û keda embaze Zîlane bivejîyê. Caardişê xeta fedayî ya Zîlane sey fermanêkê esasî ma do bigêrê. Heta ma ser bikewê ma do pê ruhê Zîlane û Sema Koçeran têkoşîn bikerê. Ma do her wext pê erjanê têkoşînê azadîye yê cinîyan têkoşînê xo dewam bikerê.

Serrgêra 24. ya şehadetê embaze Zîlane de ma reyna vanê ke ma zêdêr nêzdîyê Rayber Apoyî û cuya azade yê. Ma do pêro qesasê cinîyan û şarê kurdî dewleta faşîste ra bigêrê. Ma sey hêzanê YJA-Starî binê ferman û fermandarîya Zîlane de têkoşînê azadîye pê xurtî bîyarê ca.

Nê esasî ser o ma reyna pêro şehîdanê ma yê şorişî pê heskerdiş, rêzdarî û minetî yad kenê. Ma do wayîrê nê mîrasî bivejîyê.''