Fermandarîya Qerargehê Merkezî ya YJA-Starî derheqê 4 gerîlayan ê cinîyanê ke Amed de şehîd bîyî eşkerayîye daye. Eşkerayîye wina ya:

''Mabênê 27-29ê nîsana 2021î de artêşa tirke ya îşxalkere warê Gorse yê Amedî de dest pê operasyonêkî kerd. Wextê operasyonî de embazê ma Berfîne, Ronahî û Avente binê fermandarîya embaze Nûjîne de vera îşxalkeran şerêko giran kerd. Îşxalkeranê ke pê xoverdayîşê embazê ma nêeşkayî dima war da bombayan ver. Şexsê embazanê ma de eyaletê ma yê Amedî de xoverdayîşêko bêhempa yê cinîya azade ame kerdene.

Sere de şarê ma yê welatperwerî yê Kurdîstanî rê ma keyeyanê embazanê xo yê şehîdan rê serweşîye wazenê. Ma dibare kenê ke pê perwerîya şehîdanê xo ma do têkoşînê xo yê azadîye ser bivisnê.

Nê dewrî de ke rindî û cewherê cinîyan benê meta û mîyanê sînoranê tradîsyonî de yenê tepiştene ma pêro şehîdanê xo bi rêzdarî yad kenê ke nasnameyê azadî pê xoverdayî aferna, pê têkoşînê çêrî ferasetê exlaqê azadî îfade kerd. Şexsê embazan ma Berfîne, Ronahî û Avente û Nûjîne de ma pêro şehîdan bi rêzdarî selam kenê. Goreyê mesuldarîya ma ya verê Rayberîye û şehîdan wezîfeyê ma yo ke ma şehîdan dir bibê yew, waştiş û armancanê înan bivisnê ser û bivurnê hemleya şorişgêre. Pê enerjîya hêrsê vera dişmenî û perwerîya bi embazan manewîyet yeno manaya xîretê afernayîşê cuya azade. Mîyanê partîya ma de ke partîya şehîdan a yewe zêdîyena bena bi hezaran.

Nameyê fermandar û şerwananê YJA-Starî ser o vera her şehadetê cinîye de hêrsê ma zêdîyeno, nasnameyê ma yê cinîya xoverdayoxe beno xurtêr. Pê şehîdanê ma yê çêran rêxistinîya ma ya xopawitişê cinîyan û artêşa ma ya cinîyan zêde aver şinê û benê xurtêr. Şehadetê 4 embazanê ma tradîsyonê ma yê têkoşînî kerd xurtêr.

Fermandaranê cinîyan ê Şerê Şarî yê Şorişgêrî ra embaze Nûjîne amed tim waranê zehmetan de têkoşîn kerd. Embaze Nûjîne pê karakterê xo yê aktîfî, pê hêrsê vera dişmenî mîyanê YJA-Starî de ca girewt û Amedî ra heta Botanî, Botanî ra heta Şinbgal, Cîlo û Amedî qet nêvinderte. Aye her ke şer kerd bîye azad, her ke bîye azade, bîye rindêre, her ke bîye rindêr zêde ameye heskerdene. Embaze Nûjîne pê çêrîye û jîhatîya xo cewherê cinîya Botanî tim pawit û temsîl kerd. Coka aye wezîfeyê Fermandarîya Eyaletî lez girewt xo milî. Embaze Nûjîne tewr peyên Fermandara Eyaletê Amedî ya YJA-Starî bîye û heta peynî perwerîya xo ya bi Rayberîye mojnaye. Embazê ma yê çêrê ke embaze Nûjîne reyde şehîd bîyî, îfadeyo tewr manadar û xorin ê embazîya cinîyan ê.

Embaza ma Berfîne Rojhelatê Kurdîstanî ra kewte rayîr û Amed de têkoşîn kerd. Embaze Berfîne her tim vera polîtîkayanê dişmenî şer kerd û vera kanwazîye Amed de wela xo ra newe ra xo aferna. Embaze Avente govenda azadîye de bi hawayêkê fedayî ca girewt. Bîye îfadeyê embaze Zîlane. Embaze Ronahî sey nameyê xo tim der û dora xo kerde roşnî. Embazê ma bîyî zerrîyê azadî. Înan qetî teslîmbîyayîş qebul nêkerd û wina ciwîyayî.

Belê ma ewro artêşêka cinîyan ê ke bi hezaran endamê ci estê. Ma her cayê Kurdîstanî de xo ver danê, şer kenê û pê qerardarîya azadîye ver bi serkewtişî şinê. Cuya sîstemê modernîteya kapîtalîste, erjanê erzanan ma qebul nêkenê û vanê eke cuyêke estba ganî cuya azade ba. Ma dejê cînsî û şarê xo hîs kenê û wina têkoşîn kenê. Şehîdê ma yê Amedî vera konseptê çinkerdişî yê serê têgêrayîş û Rayberê ma, pê mesuldarî, pê hîşmendî û heskerdişê cinîye bîyî nameyê paşdayîşî. Înan zerrîya xo de dişmen çin kerd.

Nameyê Fermandarîya Qerargehê Merkezî ya YJA-Starî ser o ma vanê ke fermandar û şerwanê ma pêro seba perwerîya şehîdanê ma yê Amedî û pêro şehîdanê ma do xoverdayîşê ma yê têkoşînî pê serfîrazîye tacîdar bikerê, dişmenî ra qetî hesab bipersê û çeka şehîdanê ma erd de meverdê. Ma şehîdanê xo ancî bi rêzdarî û minetî yad kenê.''