Merkezê Îrtîbatî û Çapemenîye yê HPGyî da zanayene ke Amed de 4 gerîlayê cinîyî şehîd bîyî û nasnameyê înan eşkera kerdî.

Eşkerayîye de nê ameyî parekerdene:

''Ma eşkerayîya xo ya 11ê gulana 2021î de dabi zanayene ke 27ê nîsane de atêşa tirke warê Şehîd Rizayî yê eyaletê Amedî operasyon da destpêkerdene. Operasyono ke 29ê nîsane de herêma Helezîlê de bi hîra warê dewa Kurtê de mabênê hêzanê ma yê YJA Starî û îşxalkeran de pêkewtişî qewimîyayî. Pêkewtişan de fermandara ma ya erjayîye Nûjîne û hemrayê ma Berfîne, Ronahî û Avente şehîd bîyî.

Nasnameyê embazanê ke zelal bîyî wina yê:

Nameyê Qodî: Nujîne Amed Name û Peyname: Suna Taş Cayê Bîyayîşî: Sêrt Maye-Pî: Fatma – Mehmet Nurî Tarîx û Cayê Şehadetî: 29ê Nîsana 2021î / Amed

 

Nameyê Qodî: Berfîne Nûcan Name û Peyname: Latife Hamîdî Cayê Bîyayîşî: Urmiye Maye-Pî: Hanife – Faris Tarîx û Cayê Şehadetî: 29ê Nîsana 2021î / Amed

 

Nameyê Qodî: Ronahî Tamara Name û Peyname: Aynure Ulugana Cayê Bîyayîşî: Bedlîs Maye-Pî: Saide – Kiyasettîn Tarîx û Cayê Şehadetî: 29ê Nîsana 2021î / Amed

 

Nameyê Qodî: Avente Feda Name û Peyname: Dîlane Sîlînsîn Cayê Bîyayîşî: Manîsa Maye-Pî: Mevlude – Yusuf Tarîx û Cayê Şehadetî: 29ê Nîsana 2021î / Amed

Hemraya ma Nûjîne qezaya Dîhê ya Sêrtî ke Hemleya 15ê Tebaxe ameye destpêkerdene de keyeyêko welatperwerî yê dewa Êrsî de ameya dinya û Mersînî de bîya pîl. Hemraya ma ya Nûjîne çirey koletîya şarê kurdî bitaybetî zî yê cinîyan qebul nêkerd û tim vera sîstemê dewleta tirke ya dişmenê kurdan têkoşîn kerdo û tewr peynî de zî 2002 verê xo dayo sefanê PKKyî. Hemraya ma ya Nûjîne koyanê Kurdîstanî de pê fîkranê Rayber Apoyî xo newe ra aferna û Xakurkê  ra heta Zagrosan, Metîna ra heta Amedî û Botanî ra heta Şingalî uca ra heta Cilo û reyna heta Amedî bêmabên têkoşîn kerd. Sey fermandara YJA Starî ke ver bi serkewtişî game qerardarî eştêne bîye şehîdanê sembolan ê têkoşînê azadîye û tarîxê têkoşînê ma de cayê xo yo bianor girewt.

Hemraya ma Berfîne keyeyêko welatperwer ê bajarê Urmîye yê Rojhelatê Kurdîstanî de ameya dinya û wextê serhilanan de têkoşînê azadîye nas kerdo û 2005 de tewrê sefanê gerîlayan bîya. Koyê Kurdîstanî semedê aye mekanê azadîye bî. Roja tewrbîyayîşî ra semedê xo averberdişî keda pîlî daye. Netîceya nayî de xo resna, bedilna û xeta cinîya azade xo aver berd. Hemraya ma Berfîne bi hêzê cinîyan bîye mîlîtana serkewtîye yê PAJKî û fermandara YJA Starî.

Hemraya ma Ronahî keyeyêko welatperwer ê Bedlîsî de ameya dinya serranê xo ciwanîye de seba cuya azade cigêrayîşan de bî. Netîceya nê cigêrayîşan de fîkrê Rayber Apoyî nas kerdî semedê azadîye verê xo Koyanê Kurdîstanî û 2007 de tewrê sefanê gerîlayan bîye. Hemraya ma Ronahî ke rêxistina Hêzanê Taybetan ca girewt dewro kilm de game pîlî eştî û vejîyayî merhaleya serkêşî. Sere de Vakurê Kurdîstanî xeylêk waran de têkoşîn kerd û tewr peynî 2017 de ravêrte Vakurê Kurdîstanî û Amed û Garzan de pratîkê serkewteyî ardî ca û sey sembolêkê  tewr muhîmî yê fermandaranê ma yê cinîyan tarîx de cayê xo girewt.

Hemraya ma Avente  sey ferdê keyeyêkê welatperwerî yê qezaya Farqînî ya Amedî Manîsa de ameya dinya û ciwanîya xo ra vera sîtemê kapîtalîstî cigêrayîşê cuya alternatîfî kerd. Bi nê amancî eleqeya aye têkoşînê çepî û sosyalîstî rê estbi. Bitaybetî PKKyî aye ser tesîr kerd û bado ke raştîya  Rayberê Şarê Kurdî hole nas kerde, tewrê sefanê gerîlayan bîye. 2017î de bi moral, hêz û heyacanî şîyî Amed û aktîf rol û mîsyonî girewtî xo ser û bi qerardarîye heta şehadetê xo bêteredutî têkoşîn kerd.

Fermandarê ma yê serkêşî yê YJA Starî hemrayê ma Nûjîne, Berfîne, Ronahî û Avente do semedê ma bi sebebê serkewtiş û qesasî. Seyeyê keyeyanê înanê erjayeyî û şarê welatperwerî yê Kurdîstanî weş bo.