Fermandarîya Qerargehê Merkezî ya YJA-Starî bi wesîleya 8ê Adare Roja Cinîyan ê Kedkaran a Dinya eşkerayîyêke daye.

Eşkerayîye wina ya:

''Ma bi ruhê serkewtişî yê xeta xoverdayîşî 8ê Adare Roja Cinîyan ê Kedkaran a Dinya pêşwazî kenê.

Kombîyayîşê ma yê 2021î de vejîya werte ke ma ver bi azadîya Rayberê xo û welatê xo şinê. Gerîlayê YJA-Starî yê ke vera teknîk û çekanê kîmyewîyan şerê pawitişê merdimîye kenê, her wextî ra zêdêr qerardar ê.

Ma wextêkê winasênî de yê ke hîna zaf nêzdîyê raştîya 'Seserra 21. do biba seserra cinîyan' a Rayber Apoyî yê. Ma qerardar ê ke bi tecrubeyê têkoşînî ver bi serkewtişî şorê. Ma hêrişanê giranan ê dişmenî, polîtîkayanê qirkerdiş û şerê taybetî de têrî yê. Vera nê hêrişan bi roşnîya Apoîzmî, gerîlayê ma bi perwerîya paradîgmaya azadîye û hîsê fedayîtî xo ver danê. No îradeyê vera dişmenî û hîsê embazîye yo bêhempa şorişî pîl kenê. Gerîlayanê ke bi taktîl û çalakîyan cewab danê teknîk û hêrişanê giranan, dewleta tirke ya faşîste ard verê çinbîyayîşî.

Xoverdayîşê YJA-Starî derbî dayî dişmenî ro, morê xo da binê tarîxê têkoşînî. Ma dî ke rayîr û metodê serkewtişî bi xurtkerdişê şerê ma yê pawitişî, bi amadekerdişê şarê ma goreyê pozîsyonê şerî û serkewtişî beno.

Prosesê wina giranî de bêguman serkewtiş zî her wextî ra nêzdî yo. Bi tecrubeyê nê prosesî şexsê cinîyan ê kurdan de azadkerdişê pêro cinîyan û caardişê azadîye armancê ma yê. Gonîya ke nê oxirî de ameya rijnayene, bedelê ke ameyê dayene, dejê ke ameyê antene qetî do azadîye bîyarê. Êyê ke şexsê Rayber û şarê ma de serkewtişî do bivisnê destî gerîlayê YJA-Starî yê. Nê prosesî de ke ma kewenê serra 50. ya Newroze bi hîsê qesasî ma do derbanê pîlan ê dişmenî û Rayberê xo azad bikerê.

Ma bi nê hîsan ver bi Newroze zî şinê. Bi na wesîle 8ê Adare sere de Rayberê xo rê ma şehîdan, embazanê zîndanan, cinîyan ê xoverdayoxan û embazanê çeperanê şerî rê fîraz kenê. Ma soz danê ke serra 2022î do biba serra serkewtişî.''