Fermandarîya Qeragehê Merkezî ya YJA-Starî  derheqê şehadetê Zîn Avesta de eşkerayîya xo de wina vat: 

''Endama Konseya Fermandarîya HPG û YJA-Starî û Fermdandara YJA-Starî Zîn Avesta Dêrsim de menga sibate de kanserî ra şehîd bîye.

Embaze Zîne ya ke Botan de bîya pîl polîtîkayê qirker û faşîstî yê dewleta tirke, koletîya cinîyan qebul nêkerdî û ciwanîya xo de serra 1993î de  tewra gerîlayan bîye. Serra 94-95î de Dibistana Merkezî ya Partîye de perwerde bîye.Îlankerdişê YAJKyî û artêşbîyayîşê cinîyan ê kurdan ci rê zaf tesîr kerd. Embaze Zîne esasê felsefe û perspektîfê Rayber Apoyî de derbazê welatî bîye.

Embaze Zîn Botan, Herêmanê Pawitişî yê Medya û Dêrsim de pêro wezîfeyê xo ardî ca ke wayîra tecrube bîye. Embaze Zîne kesayetê xo de tim nasnameyê PKK û PJAKî geş kerdî û derbê giranî dayî dişmenan ro. Embaze Zîne Şerê Şarî yê Şorigêrî de pê bawerî û meduldarî wezîfeyê xo ardî ca û verê xo da Dêrsimê Sara, Zîlane û Sorxwînan. Vera polîtîkayanê îmha yê Rayber Apoyî û şarê kurdî Dêrsim de  rayberîya Baran, Çetîn, Zîne, Dogan, Dîcle, Delîla, Ronahî, Ozan, Atakan û Çîçekan de pê ruhê Rayber Apoyî seba şerê şarî bîye rayber. 

Ma reyna embaze Zîne bi hûrmet yad kenê. Şexsê embaze Zîne de ma pêro şehîdanê şorişî yad kenê û soz danê ke ma do xeyalanê welatê azadî yê pê Rayberê Azadî bîyarê ca. Sere de keyeyê embaze Zîne rê ma pêro şarê Kurdîstanî rê serweşîye wazenê. Şexsê embaze Zîne de ma sozê pabestebîyayîşê pêro şehîdan reyna anê ziwan.

Nasnameyê derheqê embaza ma Zîne de wina yê:

Nameyê Qodî: Zîne Avesta Name û Peyname: Hafîze Ozdemîr Cayê Bîyayîşî: Şirnex Maye-Pî: Şemsê – Seîd Tarîx û Cayê Şehadetî: Sibata 2020î – Dêrsim''