Fermandarîya Qerargehê Merkezî ya YJA-STARî  bi wesîleya serrgêra 24ine ya Komployê Mîyanneteweyî eşkerayîya nuştekî vila kerde.

Fermandarîye vat, ‘‘Ewro ‘Roja Reş’a şarê kurdan a ke vera Rayberê ma kurdan komplo amebi kerdene. Ewro zî hema no komplo dewam keno û ma bi bawerî xover danê. Planê înan ê komployî, bi xoverdayîşê Rayberê ma û bi hêzanê ma yê gerîlayan koyanê Kurdîstanî de ameyî betalkerdene. Ewro xoverdayîşo ke hetê cinîyan ra yeno rayberdene, hêzê xo xoverdayîşê Rayberî yê Îmraliyî ra gêno.’’

YJA Starî eşkarayîye de nê çîyî vatî:

‘‘Hêzanê modernîteyê kapîtalîsîtî yê ke bi komplo, polîtîkayanê tecrîd û îzolasyonî dês rona vernîya cuye û şorişê azadîye ke Rayberê ma wazeno Kurdşstan û Rojhelatê Mîyanênî de bikero, ewro ameyê krîzêkî giran ê komelî ver. Bi polîtîkayanê bimire-bikişe, bi polîtîkayê faşîst, nîjadperest û serdestperestî xoza serûbin kerd û şar ard puçîyêka girde ver. Xora dewleta tirke ya îşxalkere hema Komployê Mîyanneteweyî rê gardîyanî kena. Dewleta  tirka ke Rayber Apo Îmraliyî de esîr tepîşto û wazena polîtîkayayê ey ê komelîyî û azadîye zî esîr bigîra û vindî bikera.

Serra 25ine ya komployî de do têkoşînê ma dewam bikero

Gere bêro zanayene ke hêzanê komplogeran hema zî fek amencê xo yê qirkerdişê şarî kurdî ra nêverndayo. Seba ke biresê nê amancê xo, do her tewir kiryarê ke verba merdimîye de yê, bikerê. Bi saya xoverdayîşê Rayberê ma edî hêzê komplgerî nêeşkenê rîyê xo yê xezelî binimnê. Hêzê komplogerî hemverê Gerîlayanê Azadîye yê Kurdîstanî de metodanê verba merdimîye xebitnenê û hêrişê cayê Kurdîstanî kenê. Tewr peynî erdlerzî de şarê xo mergî ver de xo bi xo verdayî. No encamê komployî yo û dîyar beno ke komplogerî hema zî karê xo ser o yê.

Hêzanê şaristanîyan waşt ke Rayberê ma zîndanê girawe de bitepîşê, têkoşînî ra îzole û hetê fizîkî, sîyasî û komelî ra tena verdê. La Rayberê ma îşkencexaneyê Îmraliyî kerd dibistana felsefe. Rayberê ma bi no hewa nêverda ke amancê komployî bêrê caardene.

Rayber Apo bî hêvîya şaran

Rayber Apo bi hêzê xo yê têkoşînê sîyasî, eskerî, îdeolojîkî Kurdîstan de tena seba şarê kurdan nê, seba heme şaranê Rojhelatê Mîyanênî bî hêvîya azadîye û xelisyayîşî. Coka bi Komployê 15ê Sibate, şexsê Rayberî de waşt ke azadîya têkoşînê cinî û şarê Rojhelatê Mîyanênî destê xo de bitepîşê. Seba ney ma bi nameyê gerîlayanê YJA Starî tarîtîya komployî bi dirûşmeyê ‘Şima Nêeşkenê Rojê Ma Tarî Bikerê’ bi bedenanê roşin kenê. Ma dilsozîya şehîdanê xo de reyna sozê anê vîrê şarê xo. Heta ke hêzê komplogerî orte ra pak bibê ma do têkoşînê xo dewam bikero.Ma Komployê Mîyaneteweyî yê 15ê sibate şermizar kenê.’’