Yewîya Cinîyan ê Kurdan a Almanya (YJK-E) bi eşkerayîyêke venga pêro cinîyan da ke 28ê çeleyî de şaristanê Kolnî de beşdarê rayraşîyayîşê 'jin, jiyan, azadî' bibê.

Eşkerayîye de ame vatene ke şîdetê vera cinîyan parçeyêkê polîtîkayanê sîstemî yo. YJK-E vat: ''Polîtîkayê qetilkerdişê cinîyan, şîdetê vera cinîyan û dûrvistişê cinîyan dewam kenê. Serewedaritişê cinîyan ê Rojhelatê Kurdîstanî 5 mengî yo dewam keno. Rixmê hêrişan zî cinîyî serewedaritişî ra fek vera nêdanê.

Serewedaritişê 'jin, jiyan, azadî' kelecanêko newe da têkoşînê cinîyan. Ma nê serewedaritişî sey ê xo vînenê. Coka ma 28ê çeleyî de Koln de seba ke nê serewedaritişî pîl bikerê rayraşîyayîşêk bikerê. Ma venga pêro embazanê xo danê ke tewrê rayraşîyayîşî bibê.''