Endama Meclîsê Cinîyan ê HDPyî Bedrîye Yorgun vist vîrî ke prosesê pandemî de, wextê keyemendişî de şîdetê vera cinîyan zêdîya. Yorgune îfade kerd ke xora cara şîdetê vera cinîyan zêde bi la prosesê mendişê keyeyî de hîna zêdîya.

Bedrîye Yorgun vist vîrî ke xizmetê Merkezê Vergirewtiş û Çimdarîya Şîdetî (ŞONÎM) prosesê janî têna pê agahdarkerdişê telefonî û dokumentanê fermîyan ame sînordarkerdene û da zanayene ke derheqê babetê şîdetê vera cinîyan de xeta paştdayîşî ya ke 7/24 xebitîyena çin a. Yorgune waşt ke kapasîteya Keyeyê Pawitişî yê Cinîyan bêra zêdekerdene.

Yorgune vat: ''AKP-MHP her ca de hêrişê îrade û destkewteyanê cinîyan kenê. Kampanyaya Meclîsê Cinîyan ê HDPyî vera nê hêrişan refleksêko pêroyî yo. Fikr û destkewteyê cinîyan binê tehlukeyêkê pîlî de yê. Sîstemê ma yê hemserekîye û hîşmendîya ma ya azadîwaştoxe îqtîdar acîz kerdî.''