Konferanso 3. yê YPJyî bi beşdarîya 400 delegeyan û bi bi şîarê 'YPJ hêzê caardişê azadîya cinîyan, pawitişê erd û çinkerdişê îşxalî yo' Hesekê de 2 rojan ame kerdene û ewro qedîya. Netîcenameyê konferansî zî weşanîya.

400 delegeyî, fermandarê YPJyî, endamê Fermandarîya QSDyî Newroze Ehmed û Sozdare Dêrik, temsîlkarê Heyetê Cinîyan ê Îdareyê Xoserî, Kongreya Starî, HPC-Cinîye û temsîlkarê Hêzanê Koalîsyonê Mîyanneteweyî beşdarê konferansî bîyî.

Newroze Ehmed netîcename wend. Netîcenameyê konferansî bi kilmî wina yo:

''YPJ îlhamê xo mîrasê gerîlayan ê cinîyan ra gêno ûy ewro bîyo hêzê pawitişê cinîyan. Seba ke no konferans prosesê hêrişan de ame kerdene wayîrê manayêka tarîxî yo. Konferansê ma derheqê rewşa sîyasîye, rêxistinîye û pratîkan de ercnayî û perspektîfê girîngî vetî werte.

Embazê ma şehîd benê û şarê ma raştê barbarîyêka pîle yenê. Seba ke ma herêma xo îşxalî ra bipawê û Îdareyê Xoserî bidê şinasnayene ganî ma xopawitişî bîyarê xa. Pawitişê vera modernîteya kapîtalîste û hêzanê îşxalî ancax bi stratejîya şerê şarî yê şorişgêrî mumkîn o. Ma konferansê xo ke hetê xo yê kêmî tesbît kerdî û perspektîfê xurtî nayî werte. Ma do vera teknolojîya dişmenî, vera hêrişanê îşxalî xorêxistinkerdiş xo rê bikerê bingeyê serkewtişî. Ma do azadîya pêro cinîyan û pawitişê erdê xo qetî bîyarê ca.

Efrîn, Serêkanîyê û Girê Sipî de ma têkoşîn berz bikerê û hêrişanê îşxalî çin bikerê. Seba ke ma bieşkê teknîk û taktîkanê dişmenî çin bikerê, erdê xo yê îşxalkerdeyî bixelisnê û azadîya cinîyan bîyarê ca;  konferansê ma tay birî girewtî. Ma konferansê xo dîyarîya şehîdan, dadîyanê şehîdan û şarê xo kenê. Ma soz danê ke azadîye û serkewtişî bîyarê ca.''