Fermandarîta Pêroyî ya YPJyî bi wesîleya serrgêra 3. ya Qirkerdişê Qereçoxî ewro eşkerayîya nuştekîye daye.

Eşkerayîya YPJyî wina ya: 

''YPJ-YPGyî û QSDyî hêrişê barbarî yê cerganê DAÎŞî çin kerdî. La dewleta tirke 24ê nîsana 2017î de hêrişê Koyê Qereçoxî kerd. Nê hêrişî ra dima eşkera bi ke dewletî hînî pê cerganê sey ê DAÎŞî nê bi xo vera kurdan qirkerdiş kenê.

Bi desan embazê ma yê ke Kobanê, Efrîn û Serêkanîyê de pê fedakarîye xo ver dabi hêrişê Qereçoxî de şehîd bîyî. Nê pêro bîyî sembolê hesabgirewtişê ma. Nê pêro embazan seba xoverdayîşê merdimîye berpirsîyarîyê pîlî girewtbî xo ser.

Hêzanê komplogeran û dewletan rayberîya dewleta tirke de Efrîn, Til Abyad û Serêkanîyê îşxal kerdî. Nînan waştênê ke pêro Rojawan îşxal bikerê. La pê sayê xoverdayîşê şarê ma nêeşkayî biresê armancanê xo. Xoverdayîşê Rûmetî pêro dinya de bi namdar. No xoverdayîş esasê perwerîya YPG-YPJ û QSDyî ya seba şehîdanê Qereçoxî de ame kerdene.

Hêriş, îşxal û gefê vera şarê ma hema zî dewam kenê. Naye ra ganî pêro warê ma yê xoverdatîşî vera îşxalan hîsger bibê. Ma Qirkerdişê Qereçoxî qet xo vîrî ra nêkenê. Ma sey YPJ hesabê nê qirkerdişan do bipersê û qesasê xo bigêrê. Ma soz danê ma do cuya azade awan bikerê.''