Koordînasyonê YPS-JIN serrgêra 5. ya şehadetê ci de fermandara şehîde Zeryane Denîz pê eşkerayîyêke yad kerde. Eşkerayîye wina ya:

''Xoverdayîşê xoîdarakerdişî bi xoverdayîşê şarê kurdî yo şandar. Çêranê nê xoverdayîşî ra yew zî fermandare Zeryane Denîz a. Emnaze Zeryane Şirnex de vera leşker û polîsanê dewleta tirke çêranê ciwanan ê kurdan reyde derbê pîlî dayî dewleta tirke ro. Zeryane Denîza ke rayberîya xoverdayîşê Şirnexî kerde, pê metodêkê afernayoxî derbê giranî dayî dişmenan ro. Heta hêla xo ya peyêne şer kerd û mîrasêkê xoverdayîşî yo pîl verda. Embaze Zeryane Amed de tewra Têgêrayîşê Azadîye bîye û her tim ciwan mende. 

Zeryane Denîz pê pratîkê xo mojna ke şerê azadîye de rolê cinîyan ganî senî bibo. Şerwanî, hêzî û tewirê fedayî yê cinîyan ê kurdan kesayetê xo de temsîl kerdî. Şerwanê YPS-JIN rêçê Fermandare Zeryane de pê qerardarîye do şorê.

Serrgêra 5. ya şehadetê ci de ma embaze Zeryane bi hîsêkê pîlî yê qesasî yad kenê. Ma do metodê şerî yê embaze Zeryane her ca de vila bikerê. Ma têkoşînê azadîye de rayberîya Zeryane, Rûkene, Delale de faşîzmê TCyî birijnê. Nê esasî ser o ma venga cinîyanê Kurdîstanî danê ke tewrê YPS-JIN bibê, pê hîşmendîya xopawitişî têkoşîn pîl bikerê. Ma venga pêro cinîyan ê ciwanan danê ke verî ke erey nêbo tewrê gerîlayan bibê.''