Ekaterînî Sakellaropulu ya 63 serre ya  ke pispora xozayî û Sereka Mehkema Berze ya, parlamento de raydayîş de sey serekkomare ameye weçînayene. Parlamento de ke 300 endamê ci estê 261 wekîlan raya xo daye Sakellaropulu û dora verêne de a kerde serekkomare.

Serekwezîrê Yunanîstanî Kiyrîakos Mîçotakîsî seba wezîfeyê serekkomarîye Ekaterînî Sakellaropulu pêşnîyaz kerdbi.

Sakelleropulu heman wextî de cinîya verêne ya ke bîye Sereka Mehkema Berze. 

Yunanîstan de giranîya komelê pederşahîye esta. Labelê Mîçotakîsî vat: "Mîyanê komelê yunanan de vera cinîyan cîyakerdiş esto. Labelê hînî na rewşe corî ra dest pêkeno û vurîyeno."