Gerîlayanê HPG û YJA-Starî derheqê çalakîyanê Zîlane de ANFyî reyde qisey kerd.

Zîlane (Zeynepe Kinaci) serra 1972î de Meletî de dadîya xo ra bîya û serra 1994î de tewra têkoşînî bîye. Zîlane vera sûîkasto ke 6ê gulana 1996î de vera Rayberê Şarê Kurdî Abdullah Ocalanî amebi kerdene, 30ê hezîrane de bombayî girê dayî bedenê xo û Dêrsim de dekewte mîyanê artêşa îşxalkere. Rayberê Şarî Ocalanî çalakîya Zîlane sey ''Zîlane yew manîfesto ya'' pênase kerde.

Gerîlaya YJA-Starî Dîroke Welat îfade kerd ke Zîlane pê ruhê xo yê fedayî bîye sembola xeta têkoşînî û vat: ''Ma do bibê teqîbkerdoxê raştîya Zîlane.''

Gerîlaya YJA-Starî Bengîne Duygu zî vat: ''Ewro zî rêçê Zîlane de bi hezaran fedayîyê Rayberîye estê. Fedayîyê Rayberîye do qet nêqedê. Zîlane fermandara ma ya rayber a. Ma do xo biresnê roşnîya embaze Zîlane.''

Zîlana ke esasê xoverdayoxîya cinîyan ê kurdan temsîl kena, mektubê xo yê peyênî de Rayberê Şarê Kurdî Andullah Ocalanî rê nê çîyî vatî:

''Serekê mi!

Ma vera kedanê şima canê xo zî bidê qîm nêkeno. To pê cuya xo newe ra şarêk aferna. Ma eserê to yê. Ti temînatê şarê kurdî û pêro merdimî yî. Ma pêro zehmetîyan de heskerdişê to ra hêz gênê. Ez na çalakîye sey wezîfeyêk vînena û mesuldarîya xo hîs kena. Ez pê bawer a ke şer rayîrê çareserîye, xocaardiş û azadbîyayîş o. Ez wazena ke wayîrê têkoşînê Mazlûm, Hayrî, Kemal, Ferhad, Besê, Bêrîtane, Bêrivane û Ronahî bivejîya û rêçê înan teqîb bikera. Ez wazena bedenê xo de bomba biteqna û vera polîtîkayanê emperyalîzmî yê ke cinîyan kenê kole hêrs û xidarîya xo bimojna û biba sembola xoverdayîşê cinîyan ê kurdan.

Îdîaya min a cuye zaf pîlêr a. Têkoşînê ma yo neteweyî rayberîya Serek Apoyî de do ser bikewo û şaro mazlûmî dinya de cayê xo yê raştikênî do bigêro.  Nê esasî ser o sere de Serek Apoyî rê şehîdanê Kurdîstan, embazanê zîndanan, hêzanê ma yê şer û cepheyî, şarê Kurdîstanî û merdimîye rê soz dana ke ez do layîqa înan biba. Ez seba ke cuye û merdiman ra zaf hes kena wazena na çalakîye bikera.''