2 domanî El Holî ra ameyî ardene bi Fînlandîya
Kampa El Holî ra ke kontrolê Hêzanê Sûrîyeya Demokratîke de ya 2 domanî şanê şemeyî ameyî ardene bi Fînlandîya.
Kampa El Holî ra ke kontrolê Hêzanê Sûrîyeya Demokratîke de ya 2 domanî şanê şemeyî ameyî ardene bi Fînlandîya.
Selahîyaetdaranê payeberzan ê Wezaretê Karanê Teberî yê Fînlandîya ra Pekka Puustînen şanê şemeyî kombîyayîşêkê çapemenîye da û pare kerd ke di domanî Kampa El Holî ra ameyî ardene bi Fînlandîya.
Puustînene vat ke seba pawitişê heqanê kesayetan ê eşkera nêkenê de domanî kam ê. Ame vatene ke domanî Iraq ra hetê wezîfedaranê Wezaretê Karanê Teberî ra bi teyarayan ameyî ardene bi Meydanê Teyarayan ê Helsinki û selahîyetdaranê Dezgehê Weşîye û Komelkî rê ameyî teslîmkerdene. Aqibetê 10 cinîyan û domananê Kampa El Holî Fînlandîya de bîyî semedê muneqeşayan ê pîlan. Partîyanê muxalefetî Wezîrê Karanê Teberî Pekka Haavîsto sucdar kerd ke bêzanayîşê parlamentoyî seba ardişê domananê Kampa El Holî planêk kerd û derheqê Haavîsto de vernîyazêk pêbawerîye pêşkêşê parlamentoyî kerd.