Emser kurdîstanijê Avusturya bi şîarê ''Abdullah Ocalanî rê Aadîye, Meseleya Kurdan rê Çareserîya Sîyasîye' de amadekarîya Newroze kenê. 

Hemserekê Komelê Azadî Ahmet Zîrekî vat ke Newroza 2024î do serkêşîya Meclîsanê Komelê Azadî de, 5 şaristananê Avusturya de bêra fîrazkerdene.

Zîrekî dîyar kerd ke Newroze seba şaranê Rojhelatê Mîyanênî gandarbîyayîşê xoza û cuyêka newî yo. Zîrekî vat: ''Seba têgêrayîşê azadîye yê kurdan Newroze roja xoverdayîşî û têkoşînî ya. Ganî şarê kurdî goreyê na manaya ci wayîrê Newroze vejîyê û Newroze fîraz bikerê. Ma venga pêro kurdanê Avusturya danê ke bi nê hîsan, bi xurtî tewrê şayîyan bibê.''

Bernameyê şayîyan wina yo:

Viyana, 23.03.2024, Saet: 15:00, Gasometer, Guglgasse 8, 1110 Wien

Graz, 23.03.2024, Saet: 15:00, Buchstraße 47, 8020 Graz

Bregenz, 23.03.2024, Saet: 14:00, Hofsteigsall Bundesstraße 20, Lauterach, 6923

Linz, 24.03.2024, Saet: 14:00, Hauptstraße 1-5, 4041 Linz

Innsbruck,  24.03.2024, Saet: 14:00, Olympiastraße 10, Variante F, 6020 Innsbruck

Resepsîyonê Newroze yê Avusturya zî do paytext Viyana de bêro kerdene. Resepsîyon saet 18.00 de, 19ê adare de û Wien Rahaus de do bêro kerdene.

Rayraşîyayîşê Newroze zî 20ê adare de, saete 18.00 de Votivpark de do bêro kerdene. 21ê adare de zî serkêşîya YXKyî de saete 17.00 de Heldenplatz de şayîya Newroze do bêra kerdene.