Bajarê Cenevre yê Swîsre de verê Ofîsê Neteweyê Yewbîyayeyî (NY) de balantişê serê grevê vêşanîye yo ke vera tecrîdî yeno kerdene, çalakîya roniştişî ameybî destpêkerdene. Çalakîye hewteyê diyînî de ya.

Çalakîya ke rixmê şetanê zehmetan ê zimistanî yena rayaraberdene no hewte hetê aktîvîstanê Meclîsê Şarî yê Luzernî ra ameye dewrgirewtene. Çalakîye şexsê Vîyane Soran de bi rêzgirwtişî dest pêkerde. Şaredarîya Cenevre ra heyetêk çalakwanî zîyaret kerdî. 

Encumenê Şaredarîye Alfonso Gomezî ke bi nameyê heyetê qisey kerd vat: ''Kurdî bi serran o ke semedê destfînayîşê heqanê xo yê demokratîkan  û semedê  xoserîya xo xoverdayîş kenê. Ganî Neteweyê Yewbîyayeyî waştişanê biheqan ê kurdan rê bibo cewab. Bêvenîgîye sûcî rê wertaxbîyayîş o.''

Şaredarîya Cenevre do paştî bido kampanyaya mektuban ke semedê azadîya Rayberê Şarê Kurdî Abdullah Ocalanî ameye destpêkerdene. Seba ke mektubî biresê Neteweyê Yewbîyayeyî Şaredarîya Cenevre de do xebatî bêrê kerdene.

Çalakwanan ard ziwan ke ê hem semedê protestokerdişê Komployê 15ê Sibate hem zî seba ke vengê tepitşeyanê ke grevê vêşanîye de bidê eşnawetene çalakîye de û heta serkewtiş do xoverdayîşê înan bêro domnayene

Çalakîye rojanê dişeme, sêşeme û çarşeme yena kerdene. Siba çalakîye do hetê Meclîsê Şarê Kurdî yê Bernî ra bêro dewrgirewtene.