Kurdan qerarê Iraqî yê vera Şingalî şermezar kerd

Xeylêk welatanê Ewropa de semedê wayîrvejîyayîşê Şingalî çalakîyî ameyî kerdene. Çalakîyan de paştî dîyaye şarê Şingalî û qerarê Iraqî yê vera Şingalî ame şermezarkerdene.

Semedê şermezarkerdişê qerarê Iraqî yê vera Şingalî  welatanê Ewropa de kurdîstanijî û dostê înan vejîyayî meydanan.

Kurdîstanijan seba ke hukmatê Iraqî vato wa Asayîşê Şingalî zereyê 24 saetan de bajarî vejîyo hersê xo ard ziwan û vat hêrişê vera Şingalî vera heme kurdan yenê kerdene û ê do vera nayî bêveng nêmanê.

Qiseykerdişan de ama vatene ke gama ke Şingal raştê qirkerdişî ame înanê ke çîyêk nêkerd ewro vanê wa Şingal xo mepawo. Çîyo winayên nîno qebulkerdene.  

Çalakîye de mesajê paştîdayîşê şarê êzidîyan ameyî dayene û pê sloganan serkewtişê Garê û xoverdayîşê zîndanan ameyî selamkerdene.

Berlin

Duisburg

Saarbucken 

Koln 

Bielefeld

Giessen

 Munster

Den Haag

Bordeaux