Ewropa de çalakîyê paştdayîşê xoverdayoxanê grevê vêşanîye û rojeyê mergî û şermezarkerdişê tecrîdê sere Rayberê Şarê Kurdî Abdullah Ocalanî û bêvengîya Ewropa dewam kenê.

Dusseldorf

Bajarê Dusseldorfî yê Almanya de bi çalakîyêk şexsê Leyla Guvene de xoverdayîşê grevê vêşanîye û xoverdayîşê Dayîkanê Aşitîye ame silamkerdene.  Çalakîya ke hetê Însîyatîfê Cinîyan ê Nalîn Mûşe ra  ameye viraştene bêvengîya rayapêroyî ya dinya amaye şemerzarkerdene û dezgehanê mîyanneteweyî ra ame waştene ke wezîfeyê xo bica bîyarê.

Bremen

Bajarê Bremenî de zî semedê şermezarkerdişê tecrîd û hêrişê serê merdimanê tepişteyan çalakîyêk ameye viraştene. Bi vengdayîşê YJK-E xeylî cinîyanê ke laçikê sipîyî antê xo ameyî pêser û derheqê tecrîd û grevê vêşanîye de vilawekî vila kerdî.

Koln

Bajarê Kolnî yê Amanya de zî hetê Meclîsê Cinîyan ê Vîyane ra çalakîyêk ameye organîzekerdene. Çalakîye de  derheqê grevê vêşanîye û rojeyê mergî yê ke vera tecrîdî yenê vitaştene de ame qiseykerdene.

Den Haag

Bajarê Den Haagî yê Hollanda de zî semedê baleantişê serê grevê vêşanîye û rojeyê mergî  vernîya Dîwanê Edaletî yê Laheyî de çalakîyêk ameye viraştene.  Çalakîya ke hetê Platformê Vera Tecrîdî Cuye ra ameye viraştene de bêvengîya vera bêhuqûqîye ameye şermezarkerdene.

Hîldesheîm

Bajarê Hîldeshêîmî yê Almanya de zî çalakîyê paştdayîşê greve vêşanîye hewteyê 7’ine de yê. Xeyma ke vernîya Kilîseyê St. Jakobî de ameya ronayene de derheqê tecrîd, grevê vêşanîye û rojeyê mergî de vilawekî ameyî vilakerdene. Çalakwanan bi laçiganê sipîyan bale ante sere hêrişê dewleta Tirkî yê vera Dayîkanê Aşitîye.

Stuttgart

Bajarê Stuttgartî yê Almanya de zî bi heman waştişî hetê Platformê Vera Tecrîdî Cuye ra çalakîyêk ameye viraştene.  Çalakîye de xeylî vilawekî ameyî vilakerdene û bêvengîya rayapêroyî ameye şermezarkerdene.