Rayraşîyayîşo Dergo ke hetê ciwananê kurdan û enternasyonalîstan ra 10ê sibate de bajarê Heilbronî yê Almanya de dîya destpêkerdene  roja çarine de raştê hêrişê polîsanê almanan ame.

Hêriş de yo ke mabênê Offenburg û Lahrî de ame kerdene xeylê kesî birîndar bîyî û xeylê kesî ameyî destbendkerdene.

Naye ser o çalakwanî ewro Freiburg de ameyî têhet hêrişê polîsanê almanan şermezar kerd.
Eşkerayîye de hêrişê polîsan sey  qerarêkê polîtîkî ame hesibaneyene û ame vatene ke ê do rixmê her çîyî 15ê sibate de tewrê rayraşîyayîşê Strasbourgî bibê.