Wekîla DEM Partî ya Sêrtî Sabahate Erdogan Saritaş derheqê destsernayîşê Şaredarîya Sêrtî de ANFyî rê qisey kerd.

Sebahate vist vîrî ke Hemşaredare Sofya Alagaş bi bahaneya rojnamegerîye karî ra ameya girewtene û herinda hemşaredaran de qeyûm ameyo tayînkerdene. Sebahate vat: ‘’Serê sibayî nişka ra qeyûm ame tayînkerdene. Ê vanê qey eke tarîye de çîyêkî bikerê do çew nêeşnawo. Ma do nêverdê ke ancî îradeyê ma çin bihesibîyo. Ma do heta peynî têkoşînê xo rê dwam bikerê.

Na reya hîrêyîn a ke Sêrtî rê qeyûm yeno tayînkerdene. ’Êyê ke îrade, nasname û kulturê kurdan nêşinasnenê bin kewtî. Çew nêeşkeno îradeyê şarê kurdî teslîm bigêro. Kurdî do têkoşînê xo ra apey game nêerzê.’’

Sebahate venga komelê Tirkîya da ke vera bira qeyûman a nehuqûqe hetê kurdan de cabigêro. Sebahate vat: ‘’Qeyûmî seba dizdîye û talanî ameyê Kurdîstanî. Ma venga her kesî danê ke seba haştîye ma de mil bi nilî têkoşîn bikerê.’’