Îtalyayijan seba Rojawanî çalakîya wayîrvejîyayîşî kerde

Paytextê Îtalya Roma de îtalyayijan seba Rojawanî çalakîya paştdayîşî kerde.

Paytextê  Îtalya Roma de îtalyayijan Keyeyê Kulturî yê Macchîa Rossa Magliana de çalakîyêka paştdayîşî kerde.

Dostanê kurdan ê îtalyayijan dima ke Dewleta Tirkan hêrişê Rojawanî kerd zaf çalakîyî kerdî.

Seba paştdayîşê Heyva Sore ya Kurdîstanî çalakîya "Una zuppa per Rojava" (Seba Rojawanî Şorbayêke) her cayê Îtalya de vila bena.

Îtalyayijan paytext Roma de konferansêko biwerd kerd û pereyo ke konferansî de ame arêdayene teslîmê Heyva Sore ya Kurdîstanî kerd.

Îdarekaranê dezgehî pare kerd ke ganî komelê Îtalya xoverdayîşê rûmetî yê kurdan rê  wayîr vejîyê û vat: "Ganî têkilîyanê bazirganîye û leşkerî yê ke Erdoganî reyde yenê kerdene bêrê vindertene."