Seba milîsê PKKyî Hamît Îlbaşo (Battal) ke 3yê sibata 1994î de qezaya Cizîre ya Şirnexî de şerê vera artêşa tirke de şehîd bibi, şaristanê Kielî yê Almanya de merasîmê yadkerdişî ame kerdene.

Merasîm de birayê şehîd Battalî C. Îlbaşî derheqê cu û kesayetê Battalî de qisey kerd û vat: ''Birayê mi rixmo ke babîyê 9 domanan bi tim erkê xo bêkêmasî ardî ca. Embaz Battal gerîlayan reyde Cizîra Botanî de kewr dafika dişmenî û tewrê karwanê şehîdan bi. O embazêko ercîyaye bi.''

Qiseykerdişanê serê KOMAWî de wina ame vatene: ''Şexsê şehîd Battalî de ma pêro şehîdanê Kurdîstanî yad kenê. Erkê ma yo ke ma pêro şehîdan yad bikerê.''

Merasîm de derheqê şehîdan de sînevîzyonêk ame mojnayene. Merasîm bi slogananê sey “Bijî Serok Apo” û “Şehîd namirin” qedîya.