Endamê Konseya Fermandarîye ya HPGyî Sînan Dêrsim (Dalokay Şanli)yo ke 27ê teşrîna verêne ya 2020î de Herêmanê Pawitişî yê Medya de şehîd bibi, xeylêk welatan de ame yadkerdene.

Sînan Dêrsim û şehîdê menga gulane pê aktîvîteyêke ameyî yadkerdene. Aktîvî de Remzî Kartalî qisey kerd û ard ziwan ke ganî kurdî wayîrê şehîdanê xo vejîyê. Nameyê TJK-E ser o zî Dilşahe Osman qisey kerd û qala têkoşînê Sînan Dêrsimî kerd.

Hetê Komîteya HBDHyî ra seba yadkerdişê Sînan Dêrsimî aktîvîteyêke ameye kerdene. Aktîvîte pê deqayêkê rêzgirewtişî dest pêkerde. Qiseykerdişan de bale ameye têkoşînê Sînan Dêrsimî ser û derheqê ci de sînevîzyonêk ame mojnayene.

Borlange de zî Sînan Dêrsim û şehîdê menga gulane ameyî yadkerdene. Qiseykerdişan de ame vatene ke ewro koyanê Kurdîstanî de şerêko pîl esto û gerîlayî hê qesasê şehîdan gênê.

Aktîvîteya yadkerdişî pê deqayêkê rêzgirewtişî dest pêkerde. Qiseykerdişan de ame parekerdene ke Sînan Dêrsim her warê têkoşînî de kedêka pîle daye.