Şaristanê Giessenî yê Almanya de gerîlaya PKKyî Nadîre Elma (Nalîne) Merkezê Komelê Demokratîkî yê Kurdan ê Giessenî (NCDK) de bi merasîmêkî ameye yadkerdene.

Keyeyê Şehîde Nalîne, temsîlkarê Dezgehê Keyeyanê Şehîdan, zaf kurdîstanijî beşdarê merasîmê yadkerdişî bîyî. Deqayêkê rêzgirewtişî ra dima nameyê keyeyî ser o Dezgehê Keyeyanê Şehîdan û îdareyê NCDK-Giessenî qisey kerd. Qiseykerdiş de şehîdê têkoşînê azadîye, sey xeta tewr ercayeye ameyî namekerdene û şexsa Şehîde Nalîne de sozê taqîbkerdişê xeta şehîdan ame dayene.

Qiseykerdişan ra dima cuya Şehîde Nalîne ser o sînevîzyonêk ame mojnayene. Merasîm bi sloganê ''Şehîdî Nêmirenî'' qedîya.

Gerîlaya PKKyî Nadîre Elma (Nalîne) serra 19993i de herêma Xerza de şerê vera îşxalê dewleta tirke de şehîd bîye. Cenazeya aye Şehîdgehê Xerzanî ya Bedlîsî de amebî definkerdene. Dewleta tirke ya îşxalkere cenazeyê 267 şehîdan şehîdgeh ra remnaybî û ardibî Îstanbulî. 13ê kanûne de keyeyê Nalîne cenazeya ci girewte û dewa Marînî ya qezaya Nisêbînî ya Mêrdînî de defin kerde.