Xeylêk şaristananê Ewropa de şehîdê têkoşînê azadîye yê Kurdîstanî bi merasîman ameyî yadkerdene.

Şaristanê Heilbronnî yê Almanya de gerîlaya YJA-Starî Meskene Nisêbîn (Zeynepe Kaya)a ke tebaxa 2023yî de Herêmanê Pawitişî yê Medya de şehîd bîya, Merkezê Kulturê Kurdan ê Demokratîkî de ameye yadkerdene. Merasîmê yadkerdişî soz dîya de xeta şehîdan do bêra servistene.

Şaristanê Berlinî yê Almanya de Kawa Çekdar (Îbrahîm Demîr)o ke tebaxa 2023yî de şehîd bîyo û Rodî Berçemo ke kanûna 2021î de şehîd bîyo, ameyî yadkerdene. Merasîm de şexsê Alî Çîçekî de şehîdê Xoverdayîşê 14ê Temmuze zî ameyî yadkerdene.  Qiseykerdişan ra dima sînevîzyonêk ame mojnayene û sloganê sey 'Şehîd namirin' ameyî vatene.

Şaristanê Darmstadî yê Almanya de Tolhildan Tekman (Yilmaz Uzun)o ke êlula 2020î de Sêrt de şehîd bîyo û esteyê ci zereyê qutuyî de dîyabî keyeyê ci, ame yadkerdene. Keyeyê Tekmanî, KOMAW û xeylêk kesî tewrê merasîmî bîyî. Qiseykerdişan ra dima sînevîzyon ame mojnayene.