Xeylêk şaristanan de şehîdê têkoşînê azadîye ameyî yadkerdene.

Şaristanê Dortmundî yê Almanya de şehîdê menga teşrîna verêne ameyî yadkerdene. Şarî eleqeyêko pîl mojna merasîmê yadkerdişî.

Şaristanê Torontoyî yê Kanada de Nagîhane Akarsel û Mizgîne Newal (Gulnur Akgul)  ameyî yadkerdene. Yadkerdiş de tim sloganê 'Jin, Jiyan, Azadî' ameyî vatene. Yadkerdiş de kitabê Akarsele zî dîya şinasnayene.

Gotzis de seba şehîd Rizgar Nûhatî (Haluk Baş) ke 2019 de şehîd bibi serweşîye ronîyaye. Bi seyan kurdîstanijî şîyî cayê serweşîye.

Paytextê Almanya Berlin de Fermandarê Akademîya Apolloyî Dersîm Nûrhaq û Fermandarê HRE Karker Tolhildan ameyî yadkerdene. Qiseykerdişan de ame vatene ke şarê kurdî do tim xeta şehîdan teqîb bikero.

Şaristanê Dresdenî yê Almanya de şexsê Bawer Agirî (Ahmet Akyuz) de pêro şehîdê menga teşrîna verêne ameyî yadkerdene. Merasîm de derheqê şehîdan de sînevîzyonêk ame mojnayene û sloganê sey 'Şehîd Namirin' ameyî vatene.