Ebdulezîz Nihêlî (Pîr Kurdîstanî)  Fînlandîya de ciwîyeno. O aslê xo de Nihêla Amêdîyê ra yo. Keyeyê Ezîzî serra 1988î de koçê Vakurê Kurdîstanî keno û Mûş de kampêke de maneno. Ezîz uca de hetê leşkeran û polîsan ra zaf reyî yeno îşkencekerdene û tepiştene. Dima ke keyeyê ci agêra Başûrê Kurdîstanî dest pê wendişê zanîngehî keno. Ezîz wexto ke şino Ewropa zî bi hawayêkê çalakî tewrê xebatanê sîyasîyan û komelkîyan beno.

Wexto ke dewleta tirke ya îşxalkere 9ê teşrîna verêne de Rojawan îşxal kerd vera Tirkîya xebata boykotan zî dest pêkerd. Ezîz zî tewrê nê kampanyayanê boykotî bi. Ebdulezîz bi pankarta boykotî her roje tren, metro û bazaran de gêreno. Her çiqas faşîstanê tirkan ci rê gef wend û polîsan ci rê şîdet kerd zî Ezîz çalakîya xo ra fek vera nêda. Ezîz sloganê ''Boykot, boykot, heta birînê şahdamaranê înan'' xo rê kerd sey binge. 

Ebdulezîzî dest pê xebata etîketan kerd. O nê etîketan cayanê sixletan de zeliqneno ke her kez bivîno. Heman wextî de zî bi vilawekan û broşuran xebata boykotî dewam keno.

Xebat û çalakîyê Ezîzî yê boykotî resayî se rojan û Ezîz bi tîşortanê xo yê boykotî çalakîya xo dewam keno.