Şêx Mûsa ame definkerdene

Îdarekarê Heyva Sor a Kurdîstanî Şex Mûsay Bonn de hetê kurdîstanijan ra ame definkerdene.

Îdarekarê Heyva Sor a Kurdîstanî Şex Mûsa goristanê îslamî yê Auerbergî yê Bonnî de ame definkerdene.

Merasîmê cenaza ke hetê Heyva Sor a Kurdîstanî ra ame organîzekerdene hunermendê TEV-ÇANDî zî tewrê ci bîyî.

Merasîmo ke hetê hunermend Hakîm Sefkanî ra ame pêkêşkerdene de birayê Şêx Mûsayî Celal Mûsayî qisey kerd. Bira Mûsayî vat: Şêx Mûsa çar perçeyanê Kurdîstanî de Apê Mûsayê Kurdan bi. Merdimê wîjdanî bi.

Dr. Rowanî ke bi nameyê Heyva Sorî qisey kerd, vat Şêx Mûsa merdimêko wayîrê wîjdan û edaletî bi.

Temsîlkarê PYD Ewropa zî  ard ziwan Şêx Mûsa semedê şarê kudî vînîkerdişo pîl o. Bi nameyê TEV-ÇANDî Xelîl Xemgîn û Hakîm Sefkan zî Şêx Mûsa yad kerd.