Bajaranê Berlin, Hamburg, Bremen û Darmstadtî yê Almanya de vizêr semedê protestokerdişê tecrîdê serê Rayberê Şarê Kurdî Abdullah Ocalanî û waştişê azadîya ci ya fîzîkî reyna çalakîyî ameyî kerdene.

Berlîn de bi waştişê azadîya Ocalanî hetê aktîvîstanê  Têgêrayîşê Ciwanan ê Şorişgêran (TCŞ) û TekoJIN ra çalakîyêke ameye organîzekerdene. Ciwanan xeylêk trenan de derheqê tecrîdî de zanayîş da.

Hamburg de zî aktîvîstanê  Têgêrayîşê Ciwanan ê Şorişgêran (TCŞ) û TekoJIN vera tecîdê Îmraliyî stand akerd. Aktîvîstan derheqê tecrîd û felsefeya Ocalanî de zanayîş da û îmzayî arêdayî.

Bremen de zî kurdîstanijan semedê  azadîya Rayberê Şarê Kurdî Abdullah Ocalanî Sekreterê Neteweyanê Yewbîyayeyan Antonio Guterresî rê  rê mektubî şawitî.

Hetê bînî ra Kitabxaneyo Gêrok ê Abdullah Ocalanî vizêr Darmdstadt de bi. Kitabxaneyo ke ci rê zaf eleqedarîye estbî ûca ra verê xo da Aschaffenburgî.