Almanya de seba Şingalî çalakîye xeyme dest pêkenê
Dezgehê êzidîyan ê Ewropa seba şinasîyayîşê statuyê Şingalî Almanya de dest pê çalakîyan kenê. Seba nê armancî Oldenburg û Kleve de 3 rojan çalakîyê xeyme do bêrê kerdene.
Dezgehê êzidîyan ê Ewropa seba şinasîyayîşê statuyê Şingalî Almanya de dest pê çalakîyan kenê. Seba nê armancî Oldenburg û Kleve de 3 rojan çalakîyê xeyme do bêrê kerdene.
Sîwana Meclîsanê Cinîyan ê Êzidîyan, Paştdayîşê Ciwanan ê Êzidîyan, Meclîsê Şingalî yê Teberê Welatî, Merkezê Yewîya Komeleyanê Êzidîyan, Merkezê Kulturê Êzidîyan û Sîwanê Meclîsanê Dewanê Êzidîyan, Koordînasyonê Komelê Êzidîyan eşkerayîyêka hempare weşanaye.
Eşkerayîye de ame vîrvistene ke êzidîyî her ca de ganî vera peymana Bexdad-Hewlêrî xo ver bidê û Şingal de seba nê armancî 84 rojî yo xeyma çalakîye esta. Dezgehan venga pêro êzidîyan da ke seba pawitişê îradeyê Şingalî wa tewrê çalakîyanê xeyme bibê.
Bernameyê çalakîyan wina yo:
Oldenburg
Tarîx: 25-27.02.2021
Saete: 12:30-15:00
Ca: Langestrasse 7, 26122 Oldenburg
Kleve
Tarîx: 04-06.03.2021
Saete: 12:30-15:00
Ca: Kavaringerstrasse 30, 47533 Kleve