Bajarê Kielî yê Almanya û bajarê Rennes û Bordeauxî yê Fransa de bi aktîvîteyanê cîya cîyayan şehîdê Menga Gulane û cinîya şorişgêre Aysele Dogana ke 11 gulane de şehîde bîye, ameyî yadkerdene.

Kiel de Merkezê Kulturê Kurdan de bi aktîvîteyêke şehîdî ameyî yadkerdene. Aktîvîteya ke xeylêk kurdîstanijî tewrê ci bîyî de xoverdayîşê gerîlayan ame selamkerdene û derheqê Roşanê Ziwanê Kurdkî de zî qiseykerdişî ameyî kerdene.

Rennes de zî bi aktîvîteyêke şehîdê Gulane û Aysele Dogan ameyî yadkerdene. Aktîvîte de hêrişê îşîxalî û îxanetê PDKyî ame şermezarkerdene û bale ancîyaye xeta xoverdayîşî ya gerîlayan ser.

Bordeaux de zî şexsê gerîla Armanc Kurdo (Baran Doymaz)  de şehîdê Gulane ameyî yadkerdene. Qiseykerdişan de ame vatene şarê kurdî bi ercanê xo sareberz o û do wayîrê têkoşînê şehîdanê xo bivejîyo.