Almanya: Wextê azadîya Abdullah Ocalanî yo
Almanya de bi çalakîyanê roniştişî û çalakîyanê cîya cîyayan azadîya Rayberê Şarê Kurdî Abdullah Ocalanî yena waştene. Ewro reyna xeylêk bajaran de kurdîstanijî vejîyayî kuçeyan û tecrîd şermezar kerd.
Almanya de bi çalakîyanê roniştişî û çalakîyanê cîya cîyayan azadîya Rayberê Şarê Kurdî Abdullah Ocalanî yena waştene. Ewro reyna xeylêk bajaran de kurdîstanijî vejîyayî kuçeyan û tecrîd şermezar kerd.
Çarçewa Hemleya 'Tecrîd, faşîzm, îşxalî rê bes o; Wext wextê azadîye yo' de Almanya her roje çalakîyî yenê kerdene. Bajaranê Dusseldorf, Stuttgart, Frankfurt û Nurnbergî çalakîyê roniştişî û reyna xeylek bajaran bînan de zî bi çalakîyanê cîyayan tecrîdê îmraliyî yeno şermezarrkerdene û azadîya Rayberê Şarê Kurdî Abdullah Ocalanî yena waştene.
Dusseldorf
Dusseldorf de çalakîya roniştişî roja pancine de dewam kerde. Çalakîye de muhîmîya rolê Ocalanî ser o ame qiseykerdene û veng dîya welatanê Ewropa ke wa vera tecrîd û polîtîkaya hêrişkare ya dewlete tirke ya kurdan bêveng nêmanê.
Endamê Federasyonê Elewîyan ê Demokratîkan (FEDA) ke tewrê çalakîye bîyî sere de semedê Abdullah Ocalanî semedê tepişteyanê sîyasîyan bi degîşan semah kerd. Hunermendanê TEV-ÇANDî Kawa, Zahir Loran û Loqman Dilwar pê deyîranê tewrê çalakîye bîyî.
Çalakîye siba do bi rayraşîyeyîşêkî biqedîyo. Semedê tewrbîyayîşê rayraşîyayîşê ke do saete 14:00 de verê DGB Hausî de do bêro destpêkerdene ame vengdayene.
Frankfurt
Çalakîya Frankfurtî ke bi eynî waştişî yena kerdene ewro hetê cinîyan ê ciwanan ra ameye dewergirewtene. Têgêrayîşê cinîyan çarçewa Kampanyaya '100 Sebebê Seba Hukmkerdişê Dîktatorî' de îmzayî arê dayî.
Çalakîya ke sereyê hewteyî dest pêkerde do siba biqedîyo. Çalakwanî do siba Kitabxaneyê Rayberîye ke Saaburcken dest pê gêrayîşî kerd û tûrê xo do Frankfurt de biqedîno, reyde bêrê têhet û mîtîngêk virazê.
Frankfurt
Hetê bînî ra Frankfurt de seba azadîya Rayberê Şarê Kurdî Abdullah Ocalanî Neteweyanê Yewbîyayeyan rê mektubî ameyî şawitene.
Nurberg
Nurberg de zî çalakîya xeyme ya seba hîrê rojan a ke perey dest pêkerdevde derheqê tecrîdê serê Ocalanî de zanayîş ame dayene û azadîya ameye waştene.
Stuttgart
Çalakîya Stuttgartî ewro hetê hezanê HBDHyî ra ameye dewrgirewtene. Qiseykerdişan de ame vatene ke sere de Rayberê Şarê Kurdî Abdullah Ocalan tecrîd û hêrişê vera tepişteyanê şorişgêran meseleya hemehetanê demokratîkan bo.
Giessen
Giessen de zî aktîvîteya 'Kitabxaneyê Rayberîye' bibî. Kitabxaneyo ke semedê nasdayîşê Ocalanî bi rojan o Almanya ra gêreno kurdan û almanan zaf eleqe ramojna ci. Kitabxaneyî semedê aktîvîteya fînale ya sibayî verê xo da Frankfurtî.
Munih
Reyna Munih de zî bi Merkezê Komelê Kurdan û Meclîsê Cinîyan ê Sara semedê azadîya Abdullah Ocalanî çalakîyêke organîze kerde.