Şaristanê Anversî yê Belçîka de serkêşîya Yewîya Ciwananê Şorişgêran de Festîvala Ciwanan a Yewine ameye kerdene. Festîvale bi rayraşîyayîşê ciwanan dest pêkerd. Dima ciwanan seba şehîdan deqayêk rêz girewt.

Qiseykerdişê akerdişî de ame parekerdene ke aktîvîteyê ciwanan ê winayênî do dewam bikerê.

Dima derheqê ciwanan de qiseykerdişanê Rayberê Şarê Kurdî Abdullah Ocalanî ra sînevîzyonêk ame mojnayene.

Hemserekê Kongra-Gelî Remzî Kartalî Festîvala Ciwanan a Yewine de qisey kerd û vat: ''Qiseyê Rayber Apoyî 'Ma bi ciwanan dest pêkerd, bi ciwanan ser bikewê' teyna yew slogan nîyoo, yew felsefe ya. Têgêrayîşê azadîye serkêşîya ciwanan de ronîya. Coka ganî nê têgêrayîş û rêxistinîya ciwanan bivurîyê prosesê azadîya Rayber Apoyî û statuyê Kurdîstanî.''

Festîvale de ciwanan vera sloganê sey ''Bijî Rêber Apo'' vatî. Hunermendî Koma Çar Stêrk, Xelîl Sadiqî, Şerîfo, Hozan Aydın û Hozan Dilovan festîvale de vejîyayî sehne ser.