Avûkatanê Rayber Apoyî Îbrahîm Bîlmez û Cengîz Yureklîyî dawetê Partîya Sûre ya Norwêçî (Rodt) ser o Oslo de, Parlamentoyê Norwêçî de qisey kerd.

Wekîlê Rodtî Bjornar Moxnes, Hege Bae Nyholdt û Seher Aydar zî tede Solidaritet med Kurdistan, temsîlkarê NCDKyî û selahîyetdarê dezgehanê Rojawanî, Başûr û Rojhelatî beşdarê kombîyayîşî bîyî û înan babetanê sey tecrîdê Îmraliyî, xîretê prosesê çareserîye û vengdayîşê haştîye ser o qisey kerd.

Hêverî Îbrahîm Bîlmezî qisey kerd. Ey da zanayene ke Zîndanê Îmraliyî rejîmê îşkenceyî ser o ronîyayo û tecrîdê vera Rayber Apoyî vilayê pêro zîndanan bîyo. Bîlmezî bale ante qewimîyayîşanê nikayênan ser û vat ke qiseyê Bahçelîyî ‘Wa Ocalan bêro Meclîs de qisey bikero’ zaf girîng o. Bîlmezî vat ke Rayber Apoyî pêvînayîşan de mesajê ‘Ez eşkera prosesî zemînê şerî ra bianca zemînê huqûq û sîyasetî’ dayo.

Avûkat Cengîz Yureklîyî qiseykerdişê xo de îfade kerd ke vengdayîşê Rayber Apoyî her ca de veng veto û şar bi xurtî wayîrê ci vejîyayo. Yureklîyî da zanayene ke waro mîyanneteweyî zî bi baldarî prosesî teqîb keno.

Wekîlê Partîya Sûre Moxnesî ard ziwan de ê bi baldarî prosesî teqîb kenê û vengdayîşê Rayber Apoyî girîng vînenê. 

Moxnesî persê ‘Şima ma ra hetkarîyêka senîne wazenê?’ pers kerd. Naye ser o Bîlmezî wina cewab da: ‘’Meseleya kurdan hinî meseleyêka mîyanneteweyî ya. Ma wina pawenê ke seba çareserîya na mesele şima hîna zaf bixebitê.’’

Kombîyayîşî bi pers û cewaban qedîya. 

çalakiyên din jî bibin.