Wekîla HDPyî ya verêne Nursele Aydogan ANFyî rê qisey kerd.

Nursele Aydogan îfade kerd ke ê terefgîrê haştî û çareserîye yê, seba ney têkoşîn kenê û vat ke rewşa nikayêne de hayîya înan bi zehmetîya têkoşînê haştî û çareserîye çin a.

Nursele Aydogan ard ziwan ke hemkarîya AKP, Ergenekon, MHP û şirîkanê ci dewam kena û vat: ''Meseleya kurdan teyna Tirkîya de ney heman wextî de Rojhelatê Mîyanênî de, dewletanê dinya de bi tesîrî bena.  Ma timî ney vanê ke êyê ke meseleya kurdan çareser bikerê û haştîye bîyarê ca şar do hetê nînan de bibê. Bêguman faktorê teberî û hêzê teberî zî est ê. Têkoşînê şarê kurdî, hêzê sosyalîst û demokrasîyî do dîyarker bibê.

Ganî pêro dinya qebul kena ke ganî na mesele bêra çareserkerdene. Prosesanê Oslo û Îmraliyî mojna ke heta ke Rayberê Şarê Kurdî Abdullah Ocalan tewr nêbo meseleya kurdan çareser nêbena. Hemkarîya AKP-MHPyî û Ergenekonî do nêeşkê netîce bigêrê. Agêrayîşê prosesê haştîye û çareserîye teyna seba kurdan ney, seba pêro şaranê Tirkîya zî seba weşbîyayîşê ekonomî û aramîye tek rayîrê felate yo.''