Jîna Emînîya ke 16ê êlula 2022yî de amebî qetilkerdene şaristanê Strasbourgî yê Fransa de, serkêşîya Komunê Cinîyan ê Zîne de ameye yadkerdene. Çalakîye de pankarta 'Kurdîstanî ra heta dinya Jin, Jiyan, Azadî' û fotografê Jîna ameyî akerdene.

Çalakîye de eşkerayîya TJK-E ameye wendene. Eşkerayîye de dîya zaneyene ke qetilkerdişê Jîna seba têkoşînê cinîyan bîyo mîladêk. Cinîyan dîyar kerd ke Têgêrayîşê Jin, Jiyan, Azadî qirayîşê serewedaritişî yê cinîyan o.

Eşkerayîye de bale ameye antene ser ke rejîmê Îranî bi tepiştiş û dardekerdişan keno ke çimê cinîyan bitersno la cinîyî do waştişê azadîye ra fek vera nêdê.

Eşkerayîye de venga pêro dezgehan û têgêrayîşanê cinîyan ê dinya dîya ke vera rejîmanê molla, faşîst, tekperest û qirkeran têkoşînî xurtêr bikerê.