Şaristanê Kolnî yê Almanya de TEV-ÇAND Ewropa û Kevana Zêrîne ya Ewropa bi eşkerayîyêke tewrê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bîyî.

Eşkerayîye hetê hunermende Bermale Çem ra ameye wendene. Çeme bale ante sîstemê Îmraliyî ser û vat: ''Şarê Kurdîstan û Tirkîya goreyê rejîmê sîstemê Îmraliyî yenê îdarekerdene. Tecrîd teyna vera Rayber Apoyî ney vera pêro kurdan, cinîyan, ciwanan û bindestan yeno caardene. 32 mengî yo Rayber Apoyî ra xeberêke nêna girewtene. Rejîmo qirker wazeno Rayber Apo zîndan de bifatisno. 

Seba azadîya Rayber Apoyî hemleyêke dîyaye destpêkerdene. Seba ke meseleya kurdan û meseleyanê Rojhelatê Mîyanênî çareser bibê ganî Rayber Apo azad bibo. Ma sey TEV-ÇAND û Kevana Zêrîne ya Ewropa na hemle selam kenê û tewrê ci benê. Ma do bi xebat û çalakîyanê xo na hemle aver berê. Ma venga pêro kesan zî danê ke wayîra na hemleya azadîye verjîyê û hemle aver berê.''