Şaristanê Bremenî yê Almanya de serkêşîya Meclîsê Komelê Demokratîkî yê Kurdan û Meclîsê Cinîyan ê Sêvê de çarçewa Hemleya 'Abdullah Ocalanî rê Azadîye, Meseleya Kurdan rê Çareserîye' de kombîyayîşê şarî ame kerdene. Sîyasetmedar dr. Îdrîs Baluken û Hemsereka KCDK-E Zubeyde Zumrut kombîyayîş de qisey kerd.

Îdrîs Balukenî kurdî prosesêkê tarîxî ra derbaz benê û vat: ''Ganî ma her kesî rê qalê nê prosesê tarîxî bikerê. Ma nêzdîyê serkewtişî yê coka wa her kes bi pêro hêzê xo tewrê têkoşînî bibo. Ê wazenê ke wa kurdî waştişanê xo ra fek vera bidê. Wexto ke babete bena kurdî pêro partîyî vera kurdan benê yew. Kurdî zî ganî mîyanê xo de yew bibê.''

Zubeyde zî ard ziwan ke şarê kurdî bi têkoşînê xo meseleya kurdan arda verê çareserîye û vat: ''Vera Başûrê Kurdîstanî bi destekê PDKyî şero gemarin yeno kerdene. PDK seba çinkerdişê PKKyî rolo ke dewleta tirke dayo ci ano ca.''