Paytextê Almanya Berlin de ciwananê enternasyonalîstan roja çarşemeyî vera şîrketanê ke çeke roşenê dewleta tirke û Partîya Demokrate ya Sosyale SPDyî bi slogana ''Ma şima rê çekanê şima peyser anê'' çalakîya panzerin kerde.

Çalakwanî bi panzerê maketî ver bi banê SPDyî raya şiyî û verê berê ci de eşkerayîye daye.

Eşkerayîye de bale ameye antene hêrişê dewleta tirke yê vera Başûrê Kurdîstanî ser ame vatene ke badê serkewtişê Garê ê ûca ra peyser biancîyezî heme hêrişê vera Başûrî dewam kenê. Eşkerayîye de ame vîrardene ke vera Rojawan zî hêrişê estê û Kurdîstan her roje hetê dewleta tirke ra yeno bobardumankerdene û ame vatene ke berpirsîyarê nê hêrişan êyê ke çeke danê dewleta tirke ê yê  ke hukmatê Almanya sereyê înan de yeno. Eşkerayî de ame vatene ke têna 2017 de  dewleta tirke rê bi ercê 62 mîlyonan çeke ame rotene. Çalakwanan ard ziwan ke  hukmatê Almanya serê zulmê welatanê bînan ra xo dana ciwîyayene. Coka ê  reyna vanê wa rotişê çekan bêro vindarnayene.