Xeylêk şaristanê Fransa û Almanya semedê protestokerdişê hêrişê vera Şingalî û tecrîdê serê Rayberê Şarê Kurdî Abdullah Ocalanî çalakîyî ameyî kerdene.

Berlin

Çalakîkeranê Têgêrayîşê Ciwanan ê Şorişgêran û Cinîyan ê Wendekaran ê Kurdîstanî peymana PDK-Iraqî ya serê Şingalî protesto kerde.

Ciwanî ameyî pêser û înan derheqê Şingalî de vilawekî wendî. Vilawekan de dîya zanayene ke dewleta tirke parçeyêkê na peymane ya.

Ciwanan venga her kesî da ke Şingal bipawo.

 Bielefeld 

Ciwanan girê tewr berzî yê şaristanî Sparenburg de seba azadîya Rayberê Şarê Kurdî Abdullah Ocalanî pê çilayan nawnayîşêk kerd.

Marignane

Ciwananê kurdan  çarçewa Hemleya 'Wext Wextê Azadîye yo' û 'Pîya Serewedaritişî' de çalakîya  protestoyî kerde. Ciwanan çalakîye de posterê Rayberê Şarê Kurdî Abdullah Ocalanî akerdî û afîşê bi nuşteyê 'Ocalanî rê Azadîye' berz kerdî.

Bordeaux 

Şaristanê Bordeauxî yê Fransa de seba Şingal û seba azadîya Rayberê Şarê Kurdî Abdullah Ocalanî çalakîya raşîyayîşî  kerde. Rayraşîyayîş bi sloganan qedîya.

Paris

Paytextê Fransa Paris de ciwanan bi posteranê  Rayberê Şarê Kurdî Abdullah Ocalanî û alaya PKKyî çalakîyêke kerde. Ciwanan da zanayene ke heta ke tecrîd biqedo ê do çalakîyanê xo dewam bikerê.

Montpellier

Şaristanê Montpellierî yê Fransa de ciwanan çarçewa Hemleya 'Wext wextê azadkerdişê Rayber Apoyî yo' de çalakîya pankartan kerde.Rayberîya Komunê Cinîyan ê Delale Amed de ciwanan xeylêk cayanê şaristanî de pankartî darde kerdî.