Gerîlayê azadîye Bawer Hebeş û  Haşim Havinî bi wesîleya 4ê Nîsane rojbîyayîşê Rayber Apoyî hîsê xo ardî ziwan.

Bawer Hebeş: Bi bîyayîşê Rayber Apoyî şarê kurdî newe ra ame dinya. Na yew raştîya; verê Rayber Apoyî şarê kurdî bi çînbîyayîşî rî bi rî bi. Rayber Apo a roje sey tîjêke herra Kurdîstanî de ame dinya û şarê kurdî zî newe ra ame dinya. Hinî semedê şarê kurdî rojê tarî qedîyayî û rayîrê ameyoxê azadî ame akerdene. Ewro bi mîlyonan kesê ke azadîye wazenê dormeyê paradîgmaya Rayberîye de têkoşîn kenê. Şarê bindestî estbîyayîşê xo estbîyayîşê Rayber Apoyî de vînenê.

Rayber Apoyî bi vengdayîşê Haştîye û Komelê Demokratîkî paradîgmayêka newî ma rê teqdîm kerd ke ma têkoşînê xo yê azadîye dahîna xurt bikerê. Rayberîye seba ke şarê kurdî bibo wayîrê heqê heme emrê xo feda kerd. Şarê kurdê ke çîn hesibîyayêne xeyrê Rayber Apoyî ewro cayêko stratejîk de yo. Rayber Apoyî semedê kurdan, cinîyan verê rayîrê azadîye akerd.

Haşîm Havîn: Xeyrê bîyayîşê Rayberîye komelê bindestî xo sarisna. Komelêko heqanê xo yê azadîye ra mehrum amebi verdayene, bi estbîyayîşê Rayber Apoyî newe ra bi wayîrê hêvî. Coka ma 4ê Nîsane têna sey rojbîyayîşê Rayber Apoyî nê sey newe ra ganîbîyayîşî fîraz kenê.

Cinî verê mîyanê komelî de çîn hesbyayêne la Rayber Apoyî cinî kerde serkêşa komelî. Estbîyayîşê Rayberîye semedê merdimîye şensêko gird o. Coka ma zî bi heme îmkananê xo gerek wayîrê Rayber Apoyî bivejê. Seba ke ma Rayber Apoyî raşt fam bikerê gerek ma xeta hemra Zîlane esas bigîrê. Çalakîya aye ma rê rayîrê têkoşînî akerd. 4ê Nîsane şaranê bindestan rê fîraz bo. Ma do bi Rayberîya azade rayîrê serkewtişî tacîdar bikerê.