Merkezê Îrtîbatî û Çapemenîye yê HPGyî nasnameyê di şehîdan eşkera kerd û nê vatî:

''Mîlîtanê Apoyî yê erjîyayeyî û şervanê YJA Starî hemrayê ma Doga û Eylule hêrişênê cîya cîyayan ê dewleta tirke ya îşxalkere yê vera Garê de şehîd bîyî. Ma sey herayanê înan reyna soz danê ke ma do serkêşîya hemrayanê xo Doga û Eylule  têkoşînê xo ser bifînê û waştişê şehîdanê xo bîyarê ca.

Ma sere de keyeyanê erjîyayeyan ê hemrayanê xo Doga û Eylule rê heme şarê welatperwerî yê Kurdîstanî rê serweşîye wazenê û şehîdanê xo bi hurmet û mînetî yad kenê.

Nasnameyê embazanê ma yê şehîdan wina yê:

Hemrayama ma Doga ke Pisûsê Riha ra ya  gama ke vera şarê ma hêrişê tewr giranî ameyêne kerdene bêterdutî tewrê şerê azadîye û estbîyayîşî yê şarê ma bena. Bi cesaretê xo û têkoşînê xo yê fedayîyî wextê kilmî de bena mîlîtanêka serkewtî. Bado ke çalakîyêke de birîndar bena adirê azadîye yê zerrîya ci dahîna beno gir, dima ra verê xo dana koyanê Kurdîstanî û xîyalê xo yê domanîya xo ana ca.

Tîya ziwan, manevîyat û hetê azadkerdişî yê koyan xorî ra hîs kena. Hemraya ma ke her çalakîya muhîma ke tede ca gena bi xebatanê xo yê bi cîdîyet, afirnayoxî û dîsîplînî hurmetê embazanê xo qezenc kena, xo dima mîrasêko nîno vîrakerdene verdena. Ma sey hemrayanê ci hemraya xo Doga do çirey xo vîra nêkerê.

Hemraya ma Eylule ke Geverê Colemêrgî ra ya kulturê welatperîya Kurdîstanî û şoreşîya Apoyî gena , felsefeya azadîye yê Rayber Apoyî kena çimeyê cuye yo bingeyî. Hemraya ma Eylula ke heme emrê xo dana têkoşînê azadîye yê şarê ma bi hewayêkê fedakarîye tewr xebatan bena. Hemraya ma Eylule tekoşînê xo yê 12 serran ke bi serkewtişî rayra bena bi şehadetî tacîdar kena û têkoşînê xo dewrê ma kena. Ma do nê têkoşînî ser bifînê û waştiş û xeyalanê aye miheqeq bîyarê ca.''