Meclîsê Cinîyan ê Jîyane yê Londonî seba rojbîyayîşê Rayber Apoyî bi şîarê ‘’Ma do rayraşîyayîşê Amara selam kenê’’ rayraşîyayîşêk kerd.Girse bi slogananê "Jin, Jiyan, Azadî" "Bijî Serok Apo", "Rojbûna te pîroz be ey Serok Apo" û "Bê Serok jiyan nabe" rayîr a şi.

Endamê Meclîsê Şarê Kurdî û TCŞyî zî tewrê çalakîye bîyî û înan fotografê Rayber Apoyî akerd.

Gulê Pazarcix nameyê Meclîsê Cinîyan ser o qisey kerd û 4ê nîsane sey ganîbîyayîşê şarê kurdî pênase kerd. Gulê îfade kerd ke Rayber Apoyî bi Vengdayîşê Haştîye û Komelê Demokratîkî ancî verê kurdan akerdo.

Qiseykerdişan ra dima girseyî bi çepik, tîlîlî û sloganan rayraşîyayîş kerd. Rayraşîyayîş de deyîrê serê Rayber Apoyî ameyî vatebe. 

Rayraşîyayîş verê bînaya KCCyî de qedîya. Tîya de govende ameye girewtene û 4ê Nîsane ame fîrazkerdene.