'Kitabxaneyê Rayberîye' ke bi hewteyan o bajaranê cîya cîyayan ê Ewropa ra gêreno û fikranê Rayberê Şarê Kurdî Abdullah Ocalanî dano nasdayene vizêr bajarê Bielefeldî yê Almanya de bi.

Saetanê nêmroje de HBF de mîtîngêk ame kerdene û derheqê paradîgmaya Ocalan, tecrîdê Îmraliyî û prosesê sîyasîyî yê Kurdîstanî de ame qiseykerdene. Aktîvîteya ke aktîvîstan derheqê konfederalîzmê demokratîkî yê Ocalanî de fîkrê xo ardî ziwan de xeylêk kitab û broşurî zî ameyî vilakerdene.

Eynî wexte de akîvîstanê JXKî zî çarçewa Kampanyaya 'Hukmkerdişê Dîktatorî' de îmzayî arêdayî. Mîtîng pê goveng û sloganan qedîya.