Bajarê Bordeauxî yê Fransa û bajarê Hannoverî yê Almanya de semedê vîraridşê şehîdanê mucadeleyê azadîye aktîvîteyî ameyî viraştene.

Ahmet Gokalapo (Rêber Varto) ke 10'ê Adar a 2016'î de qezaya Sûrî ya Amedî de xoverdayîşê xoîdarekerdişî de şehîd bi û Atîlla Şahîno (Sîyabend Gimgim) ke 14-15'ê Gulan a 2016'î de Oremar de şehîd bi, bajarê Bordeauxî ê Fransa de ameyî vîrardene. 

Pîya bi merdimanê Şehîd Rêber Varto û Şehîd Sîyabend Gimgimî xeylî Kurdistanijî tewrê kombîyayîşê vîrardişî bîyî. Dimayê deqeyêkê rêzgirewtişî ra sînevîzyon ame ramotene.

Vîrardişî de bi nameyê hemserekê Merkezê Cimatê Demokratîkî yê Kurdan û yê keyeyanê şehîdan qiseykerdişî ameyî kerdene.  Qiseykerdoxan vat, "Çîyo tewr zehmet o yo ke merdim şehîdan ser o qisey bikero. Ganî ma mîras û mucadeleyê înan rê wayîr vejîyê."

Çalakîya vîrardişî bi qîrayîşê slogananê "Şehîdî nêmirenê", "Biciwîyo Serek Apo" qedîyaye.

Şehîdê Gulane bajarê Hannoverî yê Almanya de ameyî vîrardene. Temsîlkarê Komîsyonê Şehîdan ê Hannoverî merasim de qisey kerd û vat, "Her bincewa erdê Kurdistanî bi gonîya şehîdan amîya awedayene. Ganî ma zî erdo ke înan bi gonîya xo awe daya rê wayîr vejîyê."

Qiseykerdoxan vist vîrî ke mîyanê mucadeleyê çewres serran de bedelê xeylî giranî ameyê dayene û vat, "Rayberîya mucadeleyî açarnaya mucadeleyêkê xoverdayîşî ke hemeyê dinya xo rê nimûne gêna."

Merasimê vîrardişî bi eştişê slogana "Şehîdî nêmirenê" qedîya.