Şaristanê Bremenî yê Almanya de bi tewrbîyayîşê hezaran kesan Newroze amî  firazkerdene.

Şewe bi deqeyêkê rêzgirewtişî dest pêkerde û Zarokên Aramê Tîgranî sehne de ca girewt. Temsîlkarê PYD'yî Şervan Kobanê qiseykerdişê xo de sere de yê Rayberê Şarê Kurdî Abdullah Ocalanî, Newroza her kesî firaz kerde. Kobanê bale ante hemleya Dêrazorî zî û vat ganî xoverdayîşê grevê vêşanîye yê ke bi serkêşîya hemsereka KCD'yî Leyla Guvene yenê kerdene ganî tena nêrê verdayene. Xeylî hunermendî zî tewrê şewe bîyî û her game sloganê sey "Biciwîyo Serek Apo", "Bê Serekî cuye nêbena" û "Cinî, Cuye, Azadîye" erzîyayî.  Salona ke tede şewe organîze bîye de sere de posterêko berz ê Rayberê Şarê Kurdî Abdullah Ocalanî, fotografê şehîd Rustem Cûdî û yê xeylî şehîdan û beyraqê PKK'yî ameybî daliqnayene.  Qiseykerdişan ra dima Îbo Qamişloyî nûmayîşêkê qijkekî yê skeçî kerd, hunermendanê sey Hozan Dîlane, Grûba Kemençeyî ya Koma Hezexî, Deza Amed û Seyda Perînçekî sehne de ca girewt.