Seba ke Rayberê Şarê Kurdî Abdullah Ocalanî reyde cade pêvînayîş bêro kerdene rayberîya Têgêrayîşê Cinîyan ê Kurdan ê Ewropa (TJKE) û  NAV-BELî de kurdî û dostê înan verê ofîsê Konseya Ewropa ya Brukselî de ameyî têhet.

Çalakwanan bi pankart û posteranê Ocalanî bale ante ke tecrîd sûcê merdimîye yo waşt ke tecrîdê Îmrali wa cade bêro wedartene. Çalakîye de veng dîya Komîteya Vergirewtişê Îşnkeceyî (CPT) ke vera tecrîdî tê bigêro. Bi nameyê çalakwanan heyetêk selahîyetdaran reyde pêvînayîşêk kerd. Çalakwanan da zanayene ke selahîyetdaranê ofîsî vat ê do merkezê CPTyî yê Strasbourgî de qisey bikerê û waştişanê înan biresnê ci.