Bruksel de hêrişê Îranî yê vera kurdan ameyî şermezarkerdene
Paytextê Belçîka Bruksel de polîtîkaya hêrişkare ya Îranî ya ke vera kurdan yena rayraberdene verê Konsolosxaneyê Îranî de bi çalakîyêke ameye şermezarkerdene.
Îran de demo peyên de zext, tepiştiş û hêrişê vera kurdan zêdîyayî. Paytextê Belçîka Bruksel de nê hêrişî ameyî şermezarkerdene.
Çalakîya ke hetê Komîteya PJAKî ra ameye organîzekerdene verê Konsolosxaneyê Îranî de ameye kerdene. Çalakîye de tepiştiş û zextê vera kurdan ke Îran û Rojhelatê Kurdîstanî de yenê caardene ameyî şermezarkdene. Çalakîye de semedê tewrbîyayîşê Hemleya 'Tecrîd, faşîzm û îşxalî rê bes o; Wext wextê azadîye yo' ame vengdayene.
