Çalakîya verêne ya “Platformê wayîrvejîyayîşê Leyla Guvene yê Belçîka” paytext Bruksel de ameye viraştene.

Çalakîya ke verê Dêrê Saînt Gîllesî de ameye viraştene de resimê xoverdayoxanê grevê vêşanîye ameye akerdene û sloganê “Cuya Leyla Guvene rê wayîr bivejîyê”, “Paştdayîş”, Leyla reyde paştdayîş” ameyî eştene.

Çalakwanan derheqê xoverdayîşê grevê vêşanîye de vilawekî kerdî vila û bi ziwanê Franskî û Flamankî eşkerayîyî dayî. Eşkerayîye de vengdayîş bi şarê Ewropa ame kerdene ke paştdayîş bidê xoverrodayîşê grevê vêşanîye. Çalakîye de ame waştene wa cewab waştişanê xoverdayoxanê grevê vêşanîye rê bêro dayene. Platform do seba ke waştişanê xoverdayoxanê grevê vêşanîye bêro rojdemê şarê Belçîka, çalakîyan û aktîvîteyan bikero.